TANGAZO KWA WAMILIKI WOTE WA MAENEO KATIKA UWANJA WA MAONESHO YA NANENANE NGONGO

16 May 2018

Tangazo kwa wamiliki wote wa maeneo uwanja wa Ngongo.

Wamiliki wote wa maeneo ndani ya uwanja wa Nanenane Ngongo - Manispaa ya Lindi wanatakiwa kuanza kuyaandaa maeneo yao kwa ajili ya maonesho ya Nanenane kanda ya kusini 2018 ambayo hufanyika kuanzia tarehe 1-8 Agosti kila mwaka. Wamiliki wote wa vibanda vinavyozunguka uwanja wanatakiwa kumalizia ujenzi wa vibanda na wamiliki wa maeneo wanatakiwa kufanya usafi na kuandaa vipando. Tafadhali zingatia maelekezo haya kwani mwisho wa zoezi hili ni tarehe 15.06.2018 zaidi ya hapo wamiliki hao wa vibanda na maeneo watanyang'anywa maeneo hayo kwa mujibu wa makubaliano yaliyowekwa. Ukipata taarifa hii mjulishe na mwenzako. 

Imetolewa na Kamati ya Uwanja, Ofisi ya Mkuu wa Mkoa Lindi.