WANAWAKE 3000 WAKABIDHIWA MAJIKO YA GESI KATIKA KONGAMANO LA WANAWAKE KANDA YA KUSINI

Posted on: March 6th, 2025

Waziri Mkuu wa Jamhuri ya Muungano wa Tanzania Mheshimiwa Kassim Majaliwa March 06, 2025 amegawa majiko ya gesi kwa wanawake zaidi ya 3000 ili kuunga mkono jitihada za Mheshimiwa Rais za matumizi ya nishati safi na utunzaji wa Mazingira.

Mitungi hiyo imeuzwa kwa bei ya ruzuku ya Shilingi 19,500 .  Wanawake hao wamechangia kiasi hicho cha fedha na tayari zaidi ya Milion 40 zimeshakusanywa na kulipwa kwa kampuni ya Taifa Gas kwa ajili ya majiko hayo .

Siku ya wanawake Duniani ambayo huadhimishwa kila tarehe 8 ya mwezi March kila mwaka kumefanyika makongamano mbalimbali nchini ambapo leo March 6, 2025 ni zamu ya kongamano hilo la kanda ya kisini linalofanyika Wilayani Nachingwea katika Viwanja vya Maegesho ya malori.

Moja ya ajenda katika  makongomano haya ni uhamasishaji wa Matumizi ya nishati safi na utunzaji wa Mazingira.