BANKI YA USHIRIKA ( @cbtbank ) KUFUNGUA TAWI LAO MKOANI LINDI .

Posted on: December 20th, 2024

Uongozi wa Benki ya Ushirika Tanzania @cbtbank umeeleza dhamira ya kufungua Tawi la banki hiyo Mkoani Lindi ili  kusaidia kutoa huduma kwa ufanisi kwa wanaushirika wake .

Hayo yameelezwa na Mkurugenzi Mtendaji wa Benki ya Ushirika Tanzania Ndugu Godfrey Ngurah alipokuwa anazungumza Ofisini kwa Mkuu wa Mkoa wa Lindi Mhe. Zainab Telack alipotembelea kujitambulisha na kutoa taarifa rasmi.

Ndugu Godfrey ameeleza kuwa uwepo wa benki hiyo utaleta faida nyingi kwa wanaushirika hususani wakulima wa mazao ya biashara wa mikoa ya Lindi, Mtwqara na Ruvuma  kwani itawawezesha wakulima kukopa kwa riba nafuu, kupata malipo yao kwa wakati , itawapunguzia usumbufu wa kulala kwa akunti zao, watapata faida kupitia hisa zao, kutoa fedha kupitia benki nyingine na kuweza kulipa wakulima kwa wakati mmoja kupitia mifumo bora ya  mtandao .

Kwa upande wake Mkuu wa Mkoa wa Lindi Mhe. Zainab Telack ameipongeza banki hiyo kwa wazo lakufungua tawi Lidi na  amewakaribisha kufanya uwqekezaji huo kwani uwepo wa benki hiyo kutaongeza chachu na faida nyingi kwa mkulima .

Kwa upande wa Mkoa wa Lindi tayari Chama kikuu cha ushirika Lindi Mwambao weshafungua akaunti kwa ajili ya kuanza kunufaika na benki hiyo.