KAMPENI YA MSAADA WA KISHERI YA MAMA SAMIA YAHITIMISHWA KWA MAFANIKIO LINDI

Posted on: March 3rd, 2025

Kamati ya msaada wa kisheria imewasilisha taarifa ya utekelezaji wa shughuli hiyo iliyodumu kwa muda wa siku 10 ndani ya mkoa wa Lindi tangu ilipozinduliwa Februari 19, 2025  wilyani Ruangwa na Mhe. Kassim Majaliwa Majaliwa (Mb) waziri mkuu wa jamhuri ya Muungano wa Tanzania .

Kampeni hiyo imefanya kazi katika halmashauri zote za Mkoa wa Lindi ikiwa imezifikia kata 74, vijiji 163, Mitaa 59 na kufanya jumla ya mitaa na vijiji 222.

Kampeni ilijikita katika kutoa huduma ya  elimu ya Masuala ya kisheria , haki za binadamu na utawala bora, haki za watu wenye mahitaji maalum , ukatili wa kijinsia na ukatili dhidi ya watoto, ndoa , Miradhi na wosia, Ardhi, ajira na mahusiano  kazini.

Mratibu wa kampeni hiyo Mkoa wa Lindi Ndugu Daudi Murumbe amasema zoezi la kutoa msaada wa kisheria  Mkoani Lindi limefanyika kwa mafanikio kwani jumla ya  wananchi  laki 121,483 walifikiwa na huduma, huku wanaume wakiwa Elfu 55,462 na wanawake elfu 66,021 .

Ndugu Daudi ameeleza ipo migogoro ambayo iliweza kutatuliwa papo kwa papo na mingine iliendelea kushughulikiwa. Ametoa shukrani kwa Mkuu wa Mkoa wa Lindi , Katibu Tawala Mkoa na kamati ya maandalizi kwa ushirikiano ambao umesaidia kukamilisha zoezi hilo.

Kwa upande wake Mkuu wa Mkoa wa Lindi Mhe. Zainab Telack amepongeza utaratibu huo ambao umeleta mafanikio katika mkoa wa lindi , amewasihii kuweka misingi imara ambayo itasaidia wanancbi kuendelea kupata huduma hiyo kwa urahisi.

@katibanasheria_ 

@mslegalaidcampaign 

@humanrightstz