WADAU WA NANENANE KANDA YA KUSINI WASISITIZWA KULIPA ADA YA USHIRIKI KABLA JULAI 20, 2025

Posted on: July 10th, 2025

Kikao cha tatu cha maandalizi ya Maonesho ya wakulima maarufu Nanenane yaMwaka 2025 Kanda ya Kusini Ngongo Lindi, kimefanyika katika ukumbi wa JKT  Ngongo Mkoani Lindi huku wadau wakisisitizwa kulipa ada ya ushiriki kwa wakati .

Kikao hicho kikiongozwa na Ndugu Mwinjuma Mkungu ambaye ni katibu Tawala msaidizi seksheni ya Uchumi na Uzalishaji Lindi akiambatana na Makamu mwenyekiti ambaye ni Mkuu wa seksheni ya Uchumi na Uzalishaji Mkoa wa Mtwara.

Wamesisitiza suala la utoaji wa michango ya ada ya ushiriki kwa wadau ambao ni taasisi za umma na binafsi, Halmashauri zote za mikoa ya Lindi na Mtwara kabla ya Julai 20, 2025. 

Ndugu Mkungu amesema kuwa kufana kwa maonesho hayo kunategemea sana michango hiyo kutolewa kwa wakati.

Kauli mbiu ya Maonesho hayo ya 2025 inasema “Chagua  Viongozi Bora kwa Maendeleo Endelevu ya Kilimo, Mifugo na Uvuvi  2025 “ 

#tukutaneNgongolindi