ZAIDI YA MIL 800 ZATOLEWA MIKOPO YA 10% KWA VIJANA, WANAWAKE NA WALEMAVU WILAYANI NACHINGWEA

Posted on: February 6th, 2025

Mkuu wa Wilaya ya Nachingwea kwa kushirikiana na Halmashauri hiyo ameendesha hafla fupi ya utowaji mikopo ya 10% ya mapato ya Halmashauri kwa vikundi vya Wanawake, Vjana na Watu wenye ulemavu, mikopo hiyo ni Shilingi Milioni 800, zoezi hilo limefanyika katika viwanja wa Shule ya Msingi Majengo.

Mhe. Moyo amewataka viongozi wa Wilaya na Halmashauri kuhakikisha kanuni za utoaji mikopo zinazingatiwa na mikopo inasambazwa kwa haki na kwa wakati ili kutimiza lengo la Serikali ya awamu ya sita inayoongozwa na Daktari Samia Suluhu Hassan ya kuwakwamua vijana, wanawake na watu wenye ulemavu kutoka katika umasikini.

Kwa upande wake Kaimu Mkurugenzi wa Halmashauri ya Nachingwea ndugu Joshua Mnyang'ali amesema kuwa vikundi 33 vya wanawake vimepata Shilingi Milioni 365, vikundi 22 vya vijana vimepata Milioni 375 na vikundi 5 vya walemavu vimepata Milioni 60 pia,  amesisitiza kuwa usimamizi wa mikopo unahitaji juhudi za pamoja ili kuhakikisha mikopo inasambazwa vizuri na inarejeshwa kwa wakati

Nae, Mwenyekiti wa Halmashauri ya Wilaya ya Nachingwea Mhe. Adinan Mpyagila, amewasihi wanufaika kutumia mikopo hiyo kama ilivyokusudiwa na kurejesha kwa wakati ili watakaoomba kwa awamu zijazo waweze kupata kwa wakati.

Aidha, Wanufaika wa mikopo hiyo Hadja Saidi Ng'ombo  Katibu wa kikundi cha Chikumbila Kata ya Marambo.

Brigta Andrea Mwenyekiti wa Bry Toto food point.Mfaume Hassan Namkaa Mwenyekiti Kikundi cha Amu Agro Business.

Mwenyekiti wa kikundi cha walemavu  msichoke

 wameishukuru serikali kwa kuwawezesha na wameahidi kurejesha mikopo kwa wakati ili kutoa fursa kwa wengine kunufaika.