JUMBE KAWAMBWA AIBUKA MSHINDI KATIKA BARAZA LA WAFANYAKAZI OFISI YA MKUU WA MKOA WA LINDI

Posted on: March 6th, 2024

Jumbe Kawambwa ameibuka mshindi namba moja katika uchaguzi wa kumpata Katibu wa Baraza la Wafanyakazi wanaohudumu katika Ofisi ya Mkuu wa Mkoa wa Lindi.

Uchaguzi huo uliofanyika kupitia kikao cha Baraza la Wafanyakazi kilichofanyika jana jumanne tarehe 05 Machi 2024, ukumbi wa Ofisi ya Mkuu wa Mkoa ukihudhuriwa na wajumbe wa baraza hilo kutoka Idara zote na Ofisi za Makatibu wa Wilaya.

Uchaguzi huo uliwahusisha wagombea wawili walioteuliwa akiwemo Afisa Uvuvi wa Mkoa Ndg. Jumbe Kawambwa ambaye alikuwa kwenye nafasi hiyo na Afisa Tarafa ya Mchinga Bi. Hadija Mingo

Jumla ya kura 34 zilipigwa ambapo Bi. Hadija Mingo alipata Kura 13 na Ndg. Jumbe Kawambwa alipata jumla ya Kura 20 Kati ya Kura hizo Kura moja iliharibika.

Hivyo, kutokana na matokeo hayo, Afisa Kazi wa Mkoa wa Lindi Ndg. Nisetas Bureta alimtangaza Ndg. Jumbe Kawambwa kuwa mshindi namba moja na rasmi kuendelea na nafasi ya Katibu wa Baraza aliyokuwa akiihudumu hata kabla ya uchaguzi.