MFUMO WA STAKABADHI GHALANI MKOMBOZI KWA WAKULIMA

Posted on: September 20th, 2024

Waziri wa Viwanda na Biashara, Mhe.Dkt.Seleman Jafo akiwa na Katibu Tawala Mkoa wa Lindi Bi. Zuwena Omary na Mkuu wa Wilaya ya Ruangwa Mhe. Hassan Ngoma ametoa pongezi kwa viongozi na wakulima  kwa utekelezaji mzuri wa utaratibu wa matumizi sahihi ya mfumo wa  stakabadhi ghalani na kusisitiza umuhimu wa mfumo huo, katika kuhakikisha uwazi na ufanisi wa masoko ya mazao.

Waziri Jafo ameyasema hayo wakati wa muendelezo wa ziara maalumu ya kukagua utekelezaji wa miradi ya maendeleo wilayani humo na kuhimiza juu ya matumizi ya mfumo wa stakabadhi ghalani kuwa ni nguzo muhimu katika kudhibiti ubora wa mazao na kuhakikisha uaminifu katika biashara.

"Mfumo wa stakabadhi ghalani ni lazima utekelezwe kwa ufanisi, ili kuwalinda wakulima, kuwawezesha kupata bei stahiki, na kuhakikisha wateja wanapata kiasi kamili cha mazao wanachonunua, bila upungufu, na niwambieni huu ndio mkombozi wa wakulima na njia pekee ya kuimarisha ushindani wa mazao yetu, katika masoko ya ndani na nje ya nchi".Dkt.Jafo.