MOHAMED ABDALLAH NYUNDO AAPISHWA RASMI KUWA MKUU WA WILAYA YA KILWA.

Posted on: March 13th, 2024

Mohamed Abdallah Nyundo jumatatu ya tarehe 11 Machi 2024 ameapishwa rasmi kuiongoza Wilaya ya Kilwa kama Mkuu wa Wilaya hiyo baada ya kuteuliwa na Rais wa Jamhuri ya Muungano wa Tanzania jumamosi ya tarehe 09 Machi 2024.

Kiongozi huyo ameapishwa na Mkuu wa Mkoa wa Lindi Mhe. Zainab Telack  katika ukumbi wa Ofisi yake huku Viongozi mbali mbali wa mkoa na wilaya wakishuhudia.

Mhe. Nyundo anakuwa Mkuu wa Wilaya ya Kilwa baada ya mabadiliko yaliyofanyika, ambapo aliyekuwa Mkuu wa Wilaya hiyo Mhe. Christopher Ngubiagai kuhamishiwa Wilaya ya Ukerewe, Mkoani Mwanza.