NDG. NGUSA SAMIKE AKABIDHI OFISI KWA BI. ZUWENA OMARY.

Posted on: March 20th, 2023

Aliyekuwa Katibu Tawala Mkoa wa Lindi Ndg. Ngusa Samike amekabidhi ofisi kwa Katibu Tawala aliyehamishiwa kutoka Mkoa wa Pwani B. Zuwena Omary.

Makabidhiano hayo yamefanyika Leo Jumatatu katika Ofisi ya Katibu Tawala Mkoa wa Lindi na kushuhudiwa na Wakuu wa Idara za Ofisi hiyo.

Awali akizungumza na watumishi wa Ofisi ya Mkuu wa Mkoa, Ndg. Ngusa Samike amesema kuwa anamshukuru Rais wa Jamhuri ya Muungano wa Tanzania kwa kumuamini na kumpatia fursa ya kufanya kazi Mkoa wa Lindi.

Ndg. Samike ameongeza Kwa kuwashukuru watumishi wa Ofisi ya Mkuu wa Mkoa wa Lindi kwa kufanya kazi kwa kujituma, huku akiwasihi watumishi hao kufanya kazi kwa ushirikiano.

Kwa upande wake  Katibu Tawala Mkoa wa Lindi Bi. Zuwena Omary akimshukuru Mhe. Samia Suluhu Hassan, Rais wa Jamhuri ya Muungano wa Tanzania kumhamishia Mkoa wa Lindi, amewataka Wakuu wa Idara na watumishi wote kufanya kazi kwa nidhamu na ushirikiano.

Makabidhiano ya Ofisi yamefanyika leo kufuatia mabadiliko ya uongozi yaliyotangazwa na Serikali tarehe 16 Machi 2023 ambapo Bi. Zuwena Omary ametoka Mkoa wa Pwani na kuhamishiwa Mkoa wa Lindi, na ndg. Ngusa Samike atapangiwa kazi nyingine.