Tuzo ya madini

Posted on: April 22nd, 2024

Bi. ZUWENA OMARY AKABIDHIWA TUZO YA MAONESHO YA MADINI.

Katibu Tawala Mkoa wa Lindi Bi. Zuwena Omary akabidhiwa tuzo na cheti kwa kazi nzuri aliyoifanya ya kufanikisha maonesho ya kimataifa ya madini yaliyofanyika Wilayani Ruangwa mwaka Jana 2023 mwezi Agosti.

Bi. Zuwena amekabidhiwa tuzo hiyo na cheti jana jumatatu tarehe 16 Aprili 2024 ofisini kwake na aliyekuwa mwenyekiti wa kamati iliyosimamia maonesho hayo Dkt. Bora Gretha Haule, Mkuu wa Idara ya Viwanda, Biashara na Uwekezaji, Ofisi ya Mkuu wa Mkoa akiambana na baadhi ya wajumbe wa Kamati hiyo.

Akipokea kwa furaha, Bi. Zuwena amewashukuru na kuwapongeza wajumbe wote wa kamati iliyosimamia maonesho hayo ya madini ambayo yameuwezesha Mkoa wa Lindi kutangaza fursa zake kitaifa na kimataifa.

Pamoja na pongezi hizo, amewataka wajumbe hao kuendelea kufanya kazi kwa nguvu moja katika utekelezaji wa majukumu ya kila siku au pindi inapotokea kazi yenye mfano wa maonesho hayo ya madini.

Aidha, Dkt. Bora Haule kwa niaba ya wanakamati wote amemuahidi Bi. Zuwena kuzingatia na kutekeleza maelekezo yake ikiwemo kuimarisha umoja na ushirikiano katika kutimiza majukumu.