Mhe. Zambi aitaka Halmashauri ya Wilaya ya Kilwa kuhakikisha inalipa deni la fedha za mikopo ya vijana, wanawake na walemavu inayotokana na asilimia 10 ya mapato ya ndani. Hii ni baada ya mkaguzi wa nje mkoa wa lindi kuwasilisha madeni ya fedha hizo za mikopo.
Mhe. Zambi amewahakikishia wajumbe wa baraza maalum la madiwani wilayani Kilwa kuwa vifungashio vya zao la ufuta vipo vya kutosha katika Chama Kikuu cha Lindi Mwambao na hivyo amewataka watendaji wahakikishe AMCOS zinapatiwa vifungashio hivyo bila usumbufu wowote.
Katibu Tawala Mkoa wa Lindi, Rehema Madenge amewataka viongozi wa wilaya ya Kilwa na wananchi kushirikiana ili kumaliza tatizo la mimba za utotoni. Bi. Madenge aliyasema hayo katika kikao cha baraza maalum la madiwani la kujadili hoja za ukaguzi wilayani Kilwa baada ya Mkuu wa Wilaya, Mhe. Christopher Ngubiagai kuelezea tatizo la mimba za utotoni.
